Мери Јордановска: Имаме министер кој вели дека “ситуацијата е под контрола” и без образ не лаже сите до еден

Новинарката Мери Јордановска со статус на Фејсбук предупредува за лошата состојба во здравството и справувањето со коpона вирусот. Според неа, луѓето минуваат низ голготи и буквално се оставени сами на себе.

Статусот на Мери Јордановска ви го пренесуваме во целост:

Се си има свој пик, а здравствениот систем во моментов го доживува најлошиот, најгрозоморниот.

Луѓе по 8 часа бараат брза помош, нема. Луѓе кои го губат здивот, луѓе на кои за неколку часа им се влошува состојбата до степен да губат свест. Брза помош НЕМА. Се бараат врски, познати, се моли секој, за да бидат примени во болница.

Во приватните болници има листа на чекање и тоа само ако имате илјадници евра да ги изброите на рака. Не на рати. Не на одложено. Сега и одма. И повторно нема да бидете примени веднаш, туку ако се ослободи кревет. Можеби и предоцна.

Луѓето се оставени сами на себе. Цела среќа што постои ФБ група каде патем има над 8 илјади членови – си помагаат, си делат совети, во отсуство на совет од друг.

Дел од матичните лекари не креваат слушалка, не прегледуваат. Немаш кого да прашаш што да се напиеш, дали е нормално што те болат бубрезите, дали е нормално што 10 дена не ти спаѓа температурата, дали е нормално што си ослабел 9 кила за 7 дена, дали е нормално што ти излегуваат модринки.

Терапијата за сите е иста. Copy – paste. Антибиотици, антибиотици, антибиотици и витамини кои коштаат грдни пари.
Персонал нема.

Луѓето се оставени сами на себе, буквално.

Имаме министер кој вели дека „ситуацијата е под контрола“ и без образ не лаже сите до еден.

Ситуацијата е далеку од „под контрола“. Ситуацијата е комплетно излезена од контрола. Можеби е така секаде, но јас живеам тука и секојдневно слушам туѓи судбини, како последица на ова чудовиште од вирус.

Секој кој не верува, нека ме избрише веднаш од пријатели и никогаш да не ми се обрати.

Луѓе, внимавајте на себе и на своите најблиски. Не знаеме какви последици остава ова чудо, ниту пак знаеме кој може да настрада фа тално.

Author: Р К

Leave a Reply

Your email address will not be published. Required fields are marked *